MJENGEE MTOTO WAKO HALI YA KUJIAMINI…

 

Kujiamini ni kama silaha ya mtoto dhidi ya changamoto za dunia. Watoto wanao jiamini  hujisikia vizuri. Mara nyingi huwa na  furaha na kufurahia maisha.

Kwa upande mwingine, watoto wasiojiamini wanapata changamoto nyingi; kubwa zaidi ni kuwa na wasiwasi mara kwa mara.

Mtoto ambaye ana  furaha na anafanya vizuri  katika masomo na michezo  lakini hapati upendo hali hii inapunguza uwezo wake wa kujiamini.

Mara baada ya watoto kufikia utu uzima, ni vigumu kufanya mabadiliko ya kitabia yanayochangia kujiamini kwao; woga huendelea kujengeka hivyo kushindwa kujiamini .

Tuwape moyo watoto katika kujaribu, wakishindwa, kujaribu tena, wajaribu tena, na hatimaye kufanikiwa; hivyo wao wenyewe wataanza kufahamu kuhusu uwezo wao.

Wazazi, walezi , walimu na jamii kwa ujumla wanaweza kukuza uwezo wa kujiamini kwa watoto kwa kuwapa moyo.Kuepuka kulenga eneo moja maalum, kwa mfano, mafanikio katika mtihani; ambayo yanaweza kusababisha watoto kuwa na hisia kwamba wao ni  muhimu tu kama  watafaulu mitihani.

Jinsi wazazi  Wanavyoweza kutoa msaada kwa watoto

Jinsi gani wazazi wanaweza kutoa msaada wa kukuza afya, kujithamini na kujiamini kwa mtoto?

• Kuwa makini nini wanasema kwa watoto wao

 Kumbuka kuwasifu mtoto wako si tu kwa kazi nzuri, lakini pia kwa juhudi

• Kuwa mfano wa kuigwa

• Kuwa na hiari na upendo

Upendo wako utasaidia kuongeza kujithamini kwa mtoto wako. Kuwakumbatia watoto na kuwaambia watoto unawapenda kunasaidia kuweka juhudi kuelekea kitu au kujaribu kitu ambacho  awali alishindwa.

• Kutoa  maoni sahihi

Hii itafanya watoto kujenga  uthubutu.Pia inaonyesha unatambua hisia ya mtoto na kumpa moyo kufanya uchaguzi sahihi tena wakati mwingine.

• Kujenga usalama na upendo kwenye mazingira ya nyumbani

Watoto ambao hawana  usalama au wananyanyaswa nyumbani hushindwa  kujiamini.

• Kuwasaidia watoto kuwa kutumia uzoefu uliopita kufanikisha shughuli mpya kwa kujiamini

Tanzania Kids